महाराष्ट्र

जीवनावश्यक वस्तूंची दुकाने 24 तास सुरु राहणारः मुख्यमंत्री

कोरोना व्हायरसमुळे संपूर्ण देश 21 दिवस लॉकडाऊन आहे. त्यामुळे नागरिकांनी जीवनावश्यक वस्तूंच्या दुकानात मोठ्या प्रमाणात गर्दी केली आहे. पण आता नागरिकांनी काळजी करण्याचे कारण नाही कारण जीवनावश्यक वस्तूंची दुकाने आता 24 तास सुरु राहणार आहेत.

गुरुवारी वर्षा येथे कोरोना उपयाययोजनांच्या संदर्भात मंत्रालय नियंत्रण कक्षाच्या वरिष्ठ अधिकाऱ्यांची बैठक झाली त्यात यावर चर्चा झाली.

लॉकडाऊन मुळे लोकांना जीवनावश्यक वस्तूंच्या खरेदीसाठी गर्दी करावी लागत आहे , त्यामुळे त्यांच्या आरोग्याचा प्रश्न निर्माण होऊ नये तसेच त्यांना जीवनावश्यक वस्तू, अन्न धान्य खरेदी करता यावे म्हणून हा निर्णय घेण्यात आला आहे.

मात्र संबंधित दुकानांनी ग्राहकांच्या आरोग्याची काळजी घेणे आवश्यक आहे. दोन ग्राहकांमधील अंतर, निर्जंतुकीकरण, स्वच्छता या बाबत शासनाने घालून दिलेल्या मार्गदर्शन सूचना पाळाव्यात असेही यासंदर्भात झालेल्या बैठकीत ठरले.